Adrián Barbón

Secretariu Xeneral

Nacíu en Llaviana en 1979. Llicenciáu en Derechu pola Universidá d’Uviéu. Acreita tamién un Máster de Llideralgu (títulu propiu de la Fundación Ideas y Fundación Rafael Campalans cola Universidá Autónoma de Barcelona).

La so trayectoria política entama cola so afiliación, a los 17 años, a les Mocedaes Socialistes d’Asturies y, a los 18 años, al PSOE. Vicealcalde del Conceyu de Llaviana ente 2003 y 2008, foi Alcalde de Llaviana dende setiembre de 2008 hasta’l 10 d’ochobre de 2017.

Secretariu Xeneral de l’Agrupación Socialista de Llaviana de magar 2012, foi tamién miembru del Comité Federal del PSOE. Elexíu pola militancia, el 17 de setiembre de 2017, nes elecciones primaries a la Secretaría Xeneral, foi proclamáu líder de la FSA-PSOE nel XXXII Congresu autonómicu. Ta consideráu como discípulu del históricu socialista Pablo García Fernández, Presidente d’Honor de la Federación Socialista Asturiana.

Sígueme en Twitter
Sígueme en Instagram
Instagram did not return a 200.