Entrega de premios del I Concursu de microrrellatos en Twitter "Selmana de les Lletres na FSA-PSOE"

El Secretariu Xeneral, Adrián Barbón, y la secretaria dOrganización, Gimena LLamedo, ficieron entrega de los premios a los ganadores



El Secretariu Xeneral, Adrián Barbón, y la secretaria d’Organización, Gimena LLamedo, ficieron entrega esta tarde, na sede de la Federación Socialista Asturiana, de los premios del I Concursu de microrrellatos en Twitter «Selmana de les Lletres Asturianes na FSA-PSOE».

El xuráu, una vegada esaminaos los microrellatos, alcordaron conceder el primer premiu a Xurde Menéndez Caravia, de Quintes (Villaviciosa). Esther Martínez, de Santullano (Les Regueres) ganó’l segundu premio y Nacho Fonseca recibio’l tercer premiu del concursu. Toos ellos recibieron un llote de llibros n’asturianu.

Amás de los tres primeros premios, el xuráu elixió como finalistes a a Marcos Salazar Lobato, César González Herrerías, Xosé Ramón Martín Ardines, Xuan Calros Pérez Corsino, Rosa María Rodríguez González, Jose Suárez Arias-Cachero ya Iván Gutiérrez Diego. Toos los concursantes unviaron ente’l 18 y el 28 d’abril los sos microrellatos, de tema llibre, anque según les regles del concursu teníen que ciñise a la estensión de 280 carauteres permitíos en Twitter, incluyíu’l hashtag #SelmanaLletresFSA.

La Federación Socialista Asturiana, a traviés de la secretaría d’educación, universidá y normalización llingüística, María Luz Pontón, convoco’l primer concursu de microrrellatos en Twitter «Selmana de les Lletres na FSA-PSOE» col oxetivu de llanzar un mensaxe nes redes sociales al rodiu de la celebración del XXXIX Día de les Lletres Asturianes.